الأحد، 9 نوفمبر 2008

عندما تقمص مبارك شخصية هاني رمزي في عايز حقي


واخيرا انكشف السر الكبير التي تحدثت عنه صحيفة امن الدولة روز اليوسف وموقع اسلام اون لاين
واخيرا انكشف الغطاء عن الثروة التي ستهبط علي المصريين من السماء
واخيرا خرج علينا الحزب الوطني باخر افتكساته
الخبر منشور اليوم بالمصري اليوم والاهرام
ولا اعرف لماذا - او ربما اعرف بس بستعبط - لماذا خطر الي ذهني منذ قرائتي الاولي للخبرين شخصية هاني رمزي في فيلم عايز حقي
الخبر ببساطة ان الحكومة قررت تتكرم وتوزع علي المواطنين جزء من الاصوال الثابته للدولة مع السماح للمواطنين ببيع هذه الاصول لشركات قيل انها مصرية ( ده طبعا اختصار مخل لمشروع القانون )
لا والله كثر خيرها
الخبر حسسني ان الحكومة هننبرع لينا بالاصول ده علي اساس يعني انها مش ملكنا
رغم ان الدستور بيقول ان كل ده مكلنا بس سيبك تتدبر بتعديل دستوري مش ازمة يعني
نيجي بقه للمهم
شوية اسئلة جت علي ذهني اول ما قريت الموضع
يا تري يا هل تري الحكومة هتبيع الاصول لوكشة واحدة ( لوط واحد يعني ) ولا هتبيع حتة حتة ؟
وياتري الدفع للمواطنين هيبقي بنظرية تاتا تاتا ولا طازة بطازة ؟
وياتري نصيب الفرد في البيعة هيبقي كام ؟
وياتري بعد ما نبيع هنسيب ايه لولادنا بعدنا ؟
ويارتي ( عواد ) عرف يلاقي لينا وطن تاني نقعد فيه بعد ما نبيع - للشركات التي قيل انها وطنية - ولا خاب خيبة هاني رمزي في عايز حقي وملقاش وطن تاني ؟
بس احب افكر عواد ان هاني رمزي لما ملقاش وطن تاني مبعش لان هاني رمزي اعتقد انه عنده شوية عقل قدر يميز بيه
لكن فخامة الرئيس اشك ان عنده شوية العقل دول
ربنا يستر

هناك 8 تعليقات:

جبهة التهييس الشعبية يقول...

انا عايزة مكنة خياطة من مصنع الغزل والنسيج وحتة قماش كريب وطقم حلل ومعالق من عمر افندي ورباط جزمة من مصنع باتا وسيخ حديد واحد بس
ح احط عليه كل الحكومة واعملهم باربيكيو

أحمد عبد الفتاح يقول...

والنبي يا نوارة شوية تركيز
عمر افندي قطاع خاص مش عام يعني مش داخل معانا في الفيلم
والسيخ الحديد برضه مش هينفع لان كل مصانع الحديد قطاع خاص
اقول لك بيعي نصيبك من البلد لعز وممكن يديكي مقابل له 5 اسياخ مشرشرة

غير معرف يقول...

طب انا عايزة بنصيبى قد 100فدان فى الاصلاح الزراعى علشان اعمل عليها حلمى الاكبر المدينة الفاضلة

واول ما الحكومة تديهانى اوعدكم ان طول فترة رئستى هتكون اخر روقان وقرمشة وديمقراطية كمان ياشباب يلا

لانها هتكون شورى وعلى فكرة ليا شريكة جميلة حلمنا الحلم فى اوقات مختلفة وفؤجنا انه نفس الحلم (يوتبيا)تشمل كل انواع الاصلاح والعدل والرحمة والمودة
سلام لحسن لو فتحت مش هنخلص

مهندس مصري بيحب مصر يقول...

الصبر طيب
لسه لما نشوف نص مسودة القانون حنفصصه بالتفصيل
بس حيوزعوا علينا ايه ؟
إذا كان طبقاً لكلامهم تم خصخصة ما يزيد عن 85% من القطاع العام
عايزين يضحكوا علينا بحتة من الـ 15%
عموماً ادينا بكرة حنشوف

غير معرف يقول...

طيب ما كل الحاجات كده بقت قطاع خاص

يبقى ايه العمل الواقتي ؟؟!!!

مطلق يقول...

سيبوهم يبيعو يا دزم

عشان نفتخر لما نقول متقلش ايه اديتنا مصر قول حندي ايه لمصر


اهو يا عم احمد ناخد حاجه غير الخوازيق الي بنلبسها من يوم ما اتولدنا

غير معرف يقول...

http://www.alquds.co.uk/index.asp?fname=today\11qpt95.htm&storytitle=ffظلام%20في%20غزةfff&storytitleb=رأي%20القدس&storytitlec=

م/ الحسيني لزومي يقول...

شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
ارسل ميلك اذا كنت ترغب في كود البنر

شارك مع اصدقائك

Share |