السبت، 19 يوليو 2008

عندما اصبح البشير وصدام رموز للاسلام

يبدوا انني لن استطيع ان اغلق الموضوع الذي بداته في التدوينة الماضية عن الرموز
اليوم كان الجمعة وكالعادة روحت اصلي الجمعه
وبيني وبينكم انا بعاني اشد المعاناة كل اسبوع عشان الاقي مسجد اعرف اصلي فيه الجمعه وده طبعا عشان انا بدور علي خطبة تتسمع ولاني النهرده صحيت متاخر وملحقتش اروح اصلي في المسجد البعيد عني المتعود عليه فقررت اصلي جنب البيت
المهم قاعد لا بيا ولا عليا في الخطبة واذ فجاة لقيت الخطيب صوته علي قوي واشرئب وهو عمال يتكلم عن رموز الاسلام التي اهينت
ركزت عشان اعرف هي ايه الرموز ده لقيته بيتكلم عن صدام حسين وعمر البشير وبيقول عنهم انهم رموز الاسلام وانهم اهينوا، وهنا بدات افوق واركز مع العبط الي بيقوله
شوية شوية لقيته بتكلم عن قائمة في وزراة الدفاع الامريكية فيها 100 مليون بني ادم تحت المراقبة ( الادارة الامريكية واضعة مليون مسلم بس تحت المراقبة في قائمة الارهاب )
قائمة جهل الامام لم تتوقف عند هذا الحد واذ به يقول ان المدعي العام للمحكمة الجنائية الدولية اصدر حكما ( خلو بالكم من حكم ده ) باعدام الرئيس البشير وتجريده من امواله وملابسه
اه والله العظيم قال كده بالنص
بصراحه كنت متنرفز جدا بس لما ركزت قلت لنفسي اكيد ان الدين الي بتكلم عنه الشيخ الغريب ده والي هو طبعا ملوش اي علاقة بالاسلام بتاعنا أكيد هو الدين الي رموزه صدام حسن وعمر البشير
اما قه لو اتكلمنا جد حبة فاحب اسال سوال
هل يجوز اننا نحط اي شخص مهما كان بعد الرسول محمد صلي الله عليه وسلم رمز للاسلام ؟
افتكر مرة اني انسحبت من مظاهرة نظمها طلاب الاخوان المسلمين في جامعتي لانه قالوا في المسيرة ان فصل طلاب الاخوان من المدينة الجماعية هو تصرف ضد الاسم وكان ردي ان طلاب الاخوان ليسوا هم الاسلام بل هم مسلمين وبس

هناك 5 تعليقات:

الله...الوطن...أما نشوف يقول...

خطابنا الديني...يا نهااااار! ة موضوع واعر جوي وانا مش عارفة نبتدي منين...نكارد ايه ولا ايه في ان البلد دي؟ الاستبداد ولا الجهل ولا الروتين ولا التشدد والظلامية ولا الأصولية العلمانية ولا الفقر...والله مرهقة بجد من التفكير...وانت كمان صعبان علي وكل اللي مشغولين بالفوازير دي!

مطلق يقول...

يا عم احمد متاخدش في بالك ده شيخ علي متفرج. وانا عرفت ليه نص شبابنا مبيصلوش الجمعه و النص التاني الي بيركعها بيقف بره الجوامع يحكي لغايه منقيم الصلاه

غير معرف يقول...

يتشرف موقع شرقاوى اون لاين بدعوة حضرتك لحضور ندوة بعنوان

آداب الخطوبة وفنون الاختيار

مع الدكتورة إيمان عزب الاستاذ بكلية الصيدلة

وذلك يوم الاثنين القادم في تمام الساعه 8.30 مساءا

http://sharkawyonline.net/vb/showthread.php?t=14166

سبهللة يقول...

يا سيدى ياما بيخرج كلام غريب من الشيوخ
وساعات كمان من شيوخ الازهر على شاشات التليفزيون
بعد ابقى اصحى بدرى عشان ما تحرقش دمك ودمنا بعد كدة
سلام عليكم

ابو بدر الدين يقول...

يتشرف ابو بدرادين ان يدعوكم لزيارته في مدونته التي اخيرا بأت تظهر على الوجود
الرئيس بيئول حبيبي يا شعبي يا غلبان
http://www.watan2020.blogspot.com/

شارك مع اصدقائك

Share |