الخميس، 17 يوليو، 2008

عن الرموز أتحدث


حدثين يري اغلبنا انهم ليس لهم علاقة ببعضهم البعض الا انني اري انهم ذوي علاقة وثيقة ببعضهم البعض وذوي دلالة هامة
الحدث الاول كان عرض ايران لفيلم تسجيلي عن الرئيس الراحل محمد انور السادات تحت عنوان أعدم فرعون ورأي الكثير ان الفيلم مسئ لـ"مصر "
أما الحدث الثاني فهو ما عرف بعملية الرضوان او عملية تبادل الاسلاي بين حزب الله والكيان الصهويوني وخروج كل من سمير القنطار ورفاقه من السجون الاسرائلية .
ابدا من الحدث الاول
من قال ان الفيلم اساء الي مصر بني وجهة نظره علي ان السادات رمز لمصر
وهنا يجدر السوال مين قال ان السادات رمز لمصر ؟
وهل هو لمجرد انه كان رئيس جمهورية في نظام شمولي يبقي رمز للبلد ؟
ده البلاد المحترمة الي بتنتخب رئيسها بجد لا تعبر رئيسها رمز
يعني لما كلينتون انتخبوه رئيس لامريكا مكنش رمز والدليل انه لما أكتشوفوا فضيحة مونيكا مطلعش واحد امريكاني يقول ده اسائة لسمعة امريكا ؟
ومن امتي سمعة البلاد ترتبط بسمعة رجل مهما كان ؟
لا نكر انني اكره السادات كره شديدا ولكني في نفس الوقت لا اويد الفيلم الايراني لان السادات لا يستحق ان يصنع عنه فيلم اصلا
اتكر اغتيال السادات ولكني انكر في الوقت نفسه اعتبارالسادات يمثل اي رمز من اي نوع
وبالمناسبة ده احب اهدي للي بيقولوا عليه رمز " الي هو السادات " قصيدة عمنا أحمد فواد نجم بتاعة " البتاع "






نيجي بقه للحادثة الثانية الي هي احب اسميها يوم النصر او يوم الكرامة
يوم تبادل الاسري بين حزب الله والصهاينة
جثتين لكلبين من كلاب الصهاينة قصاد 5 من اعظم المناضلين اللبنانيين وجثة 180 بطل من ابطال المقاومة العربية من لبنان وفلسطين وتونس ودول أخري .
وعلي اثر هذا اليوم العظيم دار بيني وبين بعض الاشخاص نقاش حول رموز المقاومة .
الاشخاص - الي كانوا اسلاميين التوجه سلفيي الفكر - رأوا ان اليوم لا يعنيا في شئ
ليه يا عم ؟
اصل حزب الله شيعة
واصل القنطار شيوعي يسارجي
واصل دلال المغربي يسارية
يبقي كلهم وحشين وكخة واحنا ملناش دعوة بيهم
طب يا جماعة الي عنده الضغط يسامحني عالكلمتين الي فاتوا
انا ببساطة كان رايي ان لابطال دول بداية من الزعيم حسن نصر الله - ولا زعيم في بلاد العرب الا هو - والرمز العظيم عماد مغنية - او الحاج رضوان - وسمير القنطار ودلال المغربي هم رموز المقاومة في أمة اصبحت في امس الحاجه للرموز.
تحية للابطال ورموز المقامة يا كايدين العوازل

هناك تعليقان (2):

appy يقول...

انا جالى الضغط هو ايه يسارييين وهشين دى وايه شووعويين دى
هما مش دول مسلمين يعنى ولا حاجه وحشه مش فاهمه
حمد لله على سلامتهم وخلاص
اما رموز مصر
فهمى تلات حروف م... ص ... ر

وبس

الله...الوطن...أما نشوف يقول...

والله يا احمد ما انا عارفة اقةللك ايه...بس اللي مسيطر علي ناحيتك دلوقتي تعاطف أمومي كدة مخليني عايزة أقوللك ما تاخدش كل الكلام على صدرك علشان احنا عايشين زمن الفوضى غير الخلاقة...ويبدو كدة والله اعلم يا ابو حميد يا خويا ان كل المناقشات والمناوشات اللي لا تودي ولا تجيب دي مضيعة للوقت وان في الاخر "قل اعملوا" ..خلي كل واحد يشتغل على نفسه وبنفسه ويبني في الاتجاه الي هو شايفه صح...والعمل هو الفيضل بيننا

شارك مع اصدقائك

Share |