الجمعة، 11 يوليو 2008

انا بحب السينما



البوست ده عبارة عن توضيح - مش رد - للاستاذ الي سمي نفسه في تعليقات البوست الي فات باسم غير معروف والي قال فيه "انتو بتحضروا أفلام !!!!!!!!! يا خسارة على شباب الاخوان يا خسارة على من يحملون هم الاسلام ينظرون لامور تافهة بدلا أن يتلفتوا لهم الدين "
الموضوع باختصار يا شباب اني بحب السينما
ومش فرجة وبس لا دراسة كمان وشغل
انا بدرس أخراج سينمائي وتصوير وان شاء الله قريب جدا هشتغل مساعد مخرج في احد الافلام
وحلمي ان شاء الله اني ابقي معد ومخرج افلام وثائقية
اما بقه سوالي للاخ الي انتقد اني بدخل السينما هو حضرتك مشوفتش افلام قبل كده ؟
لسه مشوفتش حد من سكان كوكب الارض متفرجش علي فيلم
طب وهو ايه الفرق بين الفرجة في التليفزيون او السينما ؟
وهو ليه دائما اعتقادنا ان السينما ده فجر - بضم الفاء - ؟
طب ما هو الي بيعرض في السينما هو الي بيعرض في التليفزيون ؟
وهو عمرو المختار والرسالة مكنوش افلام سينما ؟
باختصار يا اخ غير معروف ويا كل قراء المدونة انا مومن بحاجه ان اي شئ في الدنيا ممكن نستخدمه استخدام أستخدام صح ونستخدمه استخدام خطا والفيصل هو طريقة استخدامنا وهذه القاعده تنطبق علي كل شئ ذي التلفزيون والدش والانترنت والكمبيوتر وحتي الموبيل والكتب
المخرج الي بيعملني الصنعة - الي هي الاخراج يعني - قالي اول يوم بص يا احمد انا بديك سلاح قوي جدا استخدمه في الصح بس.




هناك 15 تعليقًا:

غير معرف يقول...

السلام عليكم ورحمه الله وبركاته
هذه حملتك أتينا بها إليك
إلى متى الصمت
إلى متى نترك أمورنا يحمل همها غيرنا
فنحن لها إن شاء الله
مهما قالوا ومهما زيفوا الحقائق فتلك عقولنا باقية
ادعوكم للتفاعل مع الحملة بالتوقيع وبتحمل مسؤليتكم كاملة في إنجاحها فهي حملتنا جميعا
أنشروا لوجو الحملة ورابط المدونة والجروب لديكم
حثوا كل من تعرفوا على المشاركة والتفاعل
هدفنا ان نصل مليون فرد وسوف نصل أن شاء الله
بيك وبينا وكل امتنا هنعلنها ونقول
أنا بحب الإخوان
http://iloveikhwan1928.blogspot.com/
أرسلوا تلك الرسالة لكل من لديكم

ـــــــــــــــــــــــــــــــــــــــــــــــــــــــــــــــــــــــــــــ

السلام عليكم ورحمة الله وبركاته
نريدك معنا في أداره الحملة
ليس للمشاركة وإنما لأمور أخرى اكبر
أن وافقتم أرجوا إضافة إيميل الحملة على الماسنجر للضرورة جدا

ذو النون المصري يقول...

انا كمان بحب السسيما لكن مبروحهاش لان افلامها عارف مقدما انها سخيفه و القنوات الخاصه بالافلام كترت بطريقه متحوجش الفرد انه يحتاج يروح سينما

أحمد عبد الفتاح يقول...

بحب الاخوان
تمت اضافتك

أحمد عبد الفتاح يقول...

ذو النون
بزمتك مش ساعات بتحس انك عايز تروح السينما وتقعد في القاعه الضلمة تاكل فيشار ؟

سبهللة يقول...

أحمد هو انت اخوان؟؟

مطلق يقول...

احمد ممكن تقلي ازاي ادخل اغنيه علي المدونه

أحمد عبد الفتاح يقول...

سبهللة
عرفتي منين ؟

أحمد عبد الفتاح يقول...

كريم
بينا لقاء اشرح لك فيه

غير معرف يقول...

وانا كمان عاششقة لفكر الاخوان ..

أدهم الصفتى يقول...

مساء الخير يابوحميد

أولا مش ضرورى اطلاقا ان الأفلام تبقى من نوعية " الرسالة " و " عمر المختار " علشان تبقى أفلام كويسة

ثانيا لو طريقة التقييم الصحيحة للأفلام كانت طريقة أخلاقية معفنة " و العلاقة بين الكلمتين طردية , أخلاقية و معفنة " يبقى ما كانش حايبقى فيه فن و رؤية شخصية لمخرج على الاطلاق

مثلا : انا راجل ضد ضرب الرجال للنساء , و لو شفت حد بيعمل كده حاتف فى وشه على طول , و عملت فيلم بيقول كده , افترض ساعتها ان النمط الأخلاقى السائد يؤيد مد ايد الرجاله على الستات , هل ساعتها ابقى انا قليل الأدب ماعنديش أخلاق ؟

ده مجرد مثل

و طبعا و لا يخفى عليك يا أستاذ أحمد ان الأخلاق بتتغير مع تغيرات المجتمع , شكل الأخلاق بيتغير
تنويه للجهلة : الأخلاق غير المبادئ يا بقر وحشى مالوش صاحب

لأن الأخلاق مثلا أيام المماليك ان الستات تقعد فى بيوتها تخدم , دلوقتى الستات بتشتغل و تنزل الشارع و تتعلم و تحارب , و تشتغل أستاذة جامعة على ذكور جهلة خيبتهم اتقل من المقطورة امو روحين

هل كده تبقى الستات ما عندهمش أخلاق لأنهم نزلوا الشارع و اشتغلوا و أخدوا حريتهم و حقوقهم , لأن عصر المماليك كان كده ؟

يبقى الأخلاق بتتغير بالتغيرات المجتمعية

يبقى مافيش حاجه اسمها تقييم أخلاقى للأفلام
فيه حاجه اسمها تقييم فنى : عناصر فنية , و رؤية , و حاجات تانيه

و التقييم الفنى ممكن يخلى " البنى آدم " مش البقر الوحشى , يشوف ان الفيلم الفلانى زفت و مقرف و مكانه فى الزباله رغم انه بيتكلم عن حاجات مؤدبة و أخلاقية " طبقا للعصر "

و ممكن يشوف فيلم تانى انه كويس فنيا و تقنيا رغم انه ضد الأعراف المجتمعية اللى بتتغير طبقا للزمن , و بيكسر تابوهات باليه و مهترئة و مقرفة و مكانها فى الزباله فورا

ملحوظه : لا عزاء للبقر الوحشى " بتوع الأخلاق " , هع هع هع

و الشبشب جاهز

الله...الوطن...أما نشوف يقول...

وجالك مرارة ترد يا احمد على التعليق دة اصلا ومش بس بتعليق مقتضب لا في بوست كامل؟ والله يا ابني انت ولد صبور وطويل البال وهنيالك! اهه دول شباب الحوار والا فلا:))

Empress appy يقول...

ايه يا حمد بتروح السينما لقد خسأت وتفشلحت وتشنحط ههههههههههههه
انا بحبها بس بخاف الفيلم يطلع مقلب وابقى خسرتى فلوسى بس ساعتها بواسى نفسى بالبوب كورن والبيبسى اصلانا عيله فى الحاجات دى قوى
احمد موضوع الاخوان عملى صداع وكل حاجه هو فيه اخوان بيعملوا كذا وهو الاخوان لو مسكوا هيعملوا كذا
احمد انا كرهتكوا من الصداع اللى جالى بجد
هى الناس مالها بس عااااااااااااا
بقولك ايه متعرفش فيلم كويس اروح فيه اليومين دول
احمد كل حاجه فى الدنيا لها الاستخدام الكويس والوحش بس احنا ازاى نستخدم بس
باى علشان الصداع

أحمد عبد الفتاح يقول...

ادهم بيه
متيقلي يا عم الفنان اني نقدت الفيلم نقد فني في البوست الي فات ومش علي اسس اخلاقيةلان المخرج مش بيخرج بالاسس الاخلاقية بل بيخرج بالفن
بس انت برده الي قلت لي ان الفن سلاح ولازم نستخدمه صح
لو انت استخدمته في قضية ذي الي انت اتكلمت عنها يبقي انت بتستخدم السلاح في قضية بتدافع عنها وده حقك وانا معاك ومش مختلف معاك تقريبا في ولا كلمة من الي قلتها في التعليق
بالمناسبة يا شباب ادهم اسمه جاي في البوست
ادهم ده هو استاذي الي علمني الصنعه او بمعني اصح لسه بيعلمني وربنا يصبره عليا

أحمد عبد الفتاح يقول...

الله الوطن لما نشوف
العالم الي ذي الاخ غير معروف ده بيصعبوتا عليا وبحاول أكسب فيه ثواب :))

أحمد عبد الفتاح يقول...

ابي
انا ببفقي ماسك في السنما ورقة وقلم مش بوب طورن وبيبسي
أمنعي الضحك
المهم بقه انا هريحك من الاخوان
الاخوان بشر بيعملوا كل حاجه بيعلمها البشر
واضحة اهيه
انما بقه بالنسبة للافلام فانا لسه بدور وكل ما هدخل فيلم هقول رايي فيه

شارك مع اصدقائك

Share |