الخميس، 10 يوليو 2008

حسن ومرقص : فيلم ارشادي سخيف








دعنا تفق انه لا يمكن لاحد عاشقي السينما ان يقاوم افيش واحد يجمع بين عادل امام وعمر الشريف فالاثنين نجوم شئنا ام ابينا.

المهم ان الي حصل حصل ودخلت حسن ومرقص ، كلام في سركم لم اكن اراهن كثيرا علي الفيلم ولكني قلت انه علي الاقل سوف يكون فيلم جيد الا انني فوجئت بالطامة الكبري

الفيلم لو اردنا تصنيفه فهو يقع في مرتبة الافلام الارشادية التي تتخذ من النصح منهجا لها وهو من نوعية الافلام بتاعة اغسل يديك قبل الاكل وبعده .

الفيلم استطاع وباحتراف من تستطيح الازمة الطائفية في مصر وجعلها مجرد اسامي .

اما نهاية الفيلم فحدث ولا حرج فهي مثال رائع للخاتمة العبيطة التي وضعها المولف ليخرج نفسه من مازق غبي اسمه حسن ومرقص .

اما بقه الطفل المعجزة الي مش فاكر اسمه والي كان طالع ابن عادل امام ( كان اسمه في الفيلمك جرجس ) فهو عمل كل الي في وسعه عشان يقلد افيهات عادل امام المشهورة وتعبيرات وشه الي بتضحك الناس وطبعا كما هو متوقع فشل بجدارة في هذا العمل لانه ورغم عدم حبي لعادل امام فان الزعيم هو الزعيم .

اما اخر ملاحظاتي فهي للاخ الي كان مكتوب اسمه علي انه مخرج علي الافيش الاخ رامي أمام

وواضح جدا ان رامي حد علمه قريب اذاي يعمل فلو بالكاميرا فوجع عينينا بالفلو مرة تلاقي الفلو في ظهر الصورة ومرة في الوش وتقريبا مفيش لقطة في الفيلم من غير فلو . وواضح برده ان حد عرفه عالكرين جديد فتقريبا الفيلم كله متصور من فوق كرين او لقطات كلوس قوي توجهع العين.
وانصح رامي انه يتفرج علي افلام عشان يتعلم التصوير يبقي اذاي وانصحه مبدايا بفيلم الجزيرة لانه كان فيه شغل محصلش
بصراحة رامي اتفوق علي نفسه في وجع عنيننا .

اما التحية الي بجد للموسيقار ياسر عبد الرحمن الي عجبتني لحد ما موسيقاه التصويرية .

ملاحظات :

الفلو بالبلدي كده انه الصورة يبقي فيها نغمشة وده ممكن يتعمل في خلفية الصورة عشان نظهر الي موجود في الوش ذي الصورة ده كده


هتلاحظوا ان الخلفية مش باينة في ظهري
انما بقه الكرين فهو اداة تستخدم للتصوير من الارتفاعات عشان تدي لقطات من فوق
واللقطة الكلوس يعني اللقطة القريبة جدا

هناك 10 تعليقات:

بن توفيق يقول...

اولا انت طلعت ندل عشان دخلت الفيلم
وكنا متفقين
اننا ندخله سوا

دى اولا
وعشان كده
ربنا جازاك واداك على اد نيتك
وعافانى انى مش دخلته
مادام هو بالصورة اللى انت بتحكيه ده
واللى كنت ممكن اسيبه من نصه واخرج

مع اقرارى انه الزعيم .. ولكنى ارى انه يزداد سوطا \فيلما بعد ىخر بعد العرض ده وواللى ممكن نسميه " فيلم عائلة عادل امام" مادام البطل والممثل والمخرج
وأكيد هتلاقى المصور يقرب لبنتخالة بنت عمة ام اللىجابت عادل امام

الحمد لله الذى عافانا مما ابتلى به كثير من خلقه يا أحمد

غير معرف يقول...

انتو بتحضروا أفلام !!!!!!!!!


يا خسارة على شباب الاخوان

يا خسارة على من يحملون هم الاسلام


ينظرون لامور تافهة بدلا أن يتلفتوا لهم الدين

مصعب الجمال يقول...

ياأخ " غير معروف " هو حضور الأفلام مصيبة وكارثة وذنب وإثم وخطيئة ؟!!

هل المشكلة بالنسبة لك في الذهاب إلى السينما ؟ أم المشكلة في الفيلم المعروض في السينما ؟

أنا عن نفسي لم أدخل أي سينما من قبل لكني شاهدت وأشاهد الكثير من الأفلام في المنزل لأنني في المنزل أستطيع التحكم عن طريق جهاز التحكم في المشاهد التي لا أريد رؤيتها.

وللعلم أرى أن مشاهدة الأفلام ضرورية جداً لكونها - مع الأسف - تشكل جزءاً كبيراً وتبني جزءاً أكبر من ثقافة الشعب وهذا الشعب هو هدفك الذي تسعى أنت لدعوته فمن المفترض أن تلم بمنابع ثقافته التي يستقي منها.

===============================

الأخ الفاضل أحمد عبدالفتاح.. جزاك الله خيراً على هذا التوضيح لفيلم " حسن ومرقص " لأنني كنت بحاجة إليه .

ذو النون المصري يقول...

طبعا لازم تكون عارف المصطلحات لانك طلعت بتدرس سينما كمان
لكن قول لي
بتدرسها فين؟؟؟؟؟؟؟؟

أحمد عبد الفتاح يقول...

بن توفيق
المرة الجاية ابقي اخدك معايا
وبالنسبة لعائلة عادل امام فالفيلم بجدارة فبيلمم عائلي

أحمد عبد الفتاح يقول...

غير معروف
شرفتنا هتلاقي بوست بحاله توضيحا للنقط الي عند حضرتك فيها لبس

أحمد عبد الفتاح يقول...

مصعب
منور يا رفيق
أشكرك علي ردك الجميل

أحمد عبد الفتاح يقول...

ذو النون
انا بدرس في كذا حتة بس فيه مكان اسمه جمعية الجزويت بغمرة بتدي كورسات حلوة جدا وتقريبا مجانا
حظك ان التقديم لكورس السنة ده خلص يوم 10 /8

الله...الوطن...أما نشوف يقول...

أنا كمان شفت الفيلم يا ابو حميد...وباتفق معاك في ان القفلة كانت خايبة موت...فين الخط الدرامي اللي مفروض يطلع وينزل بيك بتناسب؟ اللي حصل ان الفيلم فضل ماشي مية واحدة وفجأة :هوب الحق اجري امسك ولع اضرب!! ايه البلاهة جي؟ فحأة كدة وبدون كاتاليست لقينا قسيس وامام كل واحد واخد بشلة في وشيه وبيتكلم زي عتيدي الاجرام وبلهجة تحريضية مالهاش اي مناسبة في سياق الفيلم واذا بالناس تطلع تولع في بعض!! ايه البلاهة دي؟ بس الفيلم ضحكني بصراحة...عادل امام كان اداؤه منخفض اوي لكن ابنه كان مقبول جدا في رايي..الفيلم كان عايز شوية عمق شوية دخول تحت الجلد...وبعدين انت اخدت بالك انه مكانش فيه وجود للدولة ؟؟؟فين لدولة في القصة دي؟ فين امن الدولة اللي معروف انه في غاية الحساسية للمسائل دي؟ ازاي دور الدول يحتزل بالسذاجة دي في الدور بتاع ابو عوف اللي كان غير موجود تقريبا؟ ايه؟ السيناريست خاف يمسك السلك عريان ولا ايه؟ !!! بس ارجع واقوللك انا شايفة عرض فيلم يدخل من هذه المنطقة الحساسة من جسد المجتمع المصري هو مؤشر على انفتاح نسيبي في البيئة الثقافية والسياسية المصرية وجرأة تحسب للقائمين ع الفيلم...طولت عليك معلش:))

أحمد عبد الفتاح يقول...

الله الوطن اما نشوف ؟
انفتاح ايه الي انتي جاية تقولي عليه ؟
تانتي فاكره ان فيلم ذي ده جه من وراء السلطة ؟
الفيلم بطله عادل امام فنان السلطة الاول وارهن انه واخد ضوء اخضر عشان يعمل الفيلم بالشكل السطحي ده
انا شتايف ان الفيلم - من وجهة نمظر نظرية الموامرة - خطوة من النظام لتسطيع الازمة الطائفية

شارك مع اصدقائك

Share |