الأحد، 11 نوفمبر، 2007

سهلبيسة سهلبيسة هلا هلا عالبعليصة يا بتوع المصري

فعلا عفارم عالمصري اليوم
ويستحق اقولها له من كل قلبي
هلا هلا عالبعليصة
الكلام الي متبروز النهرده في اول المصري اليوم احترت في وصفه
هل هو خبر ؟ تحقيق ؟ ولا ايه ؟
وبعد تفحيص وتمحيص والرجوع الي بطون مراجع المواد الصحفية اكتشفت ان اللفظ الذي يطلق علي هذا الشئ هو البعليصة
تقريبا فيه حد من القراء مش عارف البعليصة
اوك نشرح
قال عادل امام في تحفته الواد سيد الشغال ان البعليصة هي طبخة مكونة من الخضروات مدفون بها قفا حمار صاحب صاحبه وتوضع في الفرن عشان تستوي
طيب السوال وايه علاقة ده بخبر المصري اللوذعي ؟
العلاقة واضحة فالصحفي اللوزعر جاب الخبر اللوزعي كعادته دائما من قعده القهوه مع صاحبه ( في اشارة الي المكون الرئيسي للطبخة )
بجد انا ضحكت النهرده حتي الثماله من الي قريته
وجات لي تليفونات كتير من اصحابي بتسالني يا تري يا احمد انت ماسك ايه في مكتب ارشاد الشباب ؟
كنت برد بمنتهي التلقائية المكتب السياسي والاعلامي مع بعض كده ومش عايز مرتبة المرشد لانها محجوزة
نتكلم بقه حبة جد وفي نقط حفاظا علي صوابعي والكي بورد من كتر الكتابة
1- لنعترف جميعا ان اكبر صحيفتين يوميتين بيوزعوا في مصر طلعوا ضريبة اخبار ( شوفتوا الاكتشاف ؟) والي هما بدون ذكر اسماء المصري اليوم والدستور
2- مدوني الاخوان بوجه عام والشئؤن الداخلية للاخوان بشكل خاص اصبحت مادة خصبة للمتطفلين والفاضيين والي مش لاقيين حاجه يعملوها من الصحفيين الاشاوس وكل دول احب اقول ابشروا لقد فقدتوا مصداقيتكم عند كل الناس وبجدارة
3- متيقلي الظروف اصبحت تحتم علي الاخ صاحب فكره اخوان اوف لاين انه يكشف عن نفسه ويتكلم ويدافع عن فكرته الي كل واحد فسرها ذي ما حب وان كنت لا اعتقد انه يملك الشجاعه الكافية بس مش مهم انا بقول كلمة لوجه الله والسلام
4- هو سوال رفيع عالماشي هو مين مرسي عزيز ده الي قابله شباب الاخوان ؟

هناك 7 تعليقات:

فلسطينية الهوى يقول...

قفا حمار

ويع


_________

منتظرين توضيح صاحب اخوان اوف لاين

ونعرف مين مرسي عزيز ؟

عبدالرحمن عياش يقول...

قول لفاروق الجمل انه بيهزر اوي يعني
و مينفعش كده

چــِنـيـن ... عيلة و عايزة أفهم يقول...

تؤ تؤ تؤ

بتنكروا الأخبار اللي جاية من مصادر خاصة !

تؤ تؤ

مش أسلوب ده !

لأ و كمان بتتنكروا لمرسي عزيز !

ده حتى الراجل يزعل

: D

ربنا يرزقنا الهداية جميعاً

مصطفي النجار يقول...

اخي الحبيب احمد
انا ريحت نفسي من فترة
وبطلت اشتري الدستور وكذلك المصري اليوم
حتي احترم عقلي
لأن العبط زاد عن حده وبقي سمج

صاحب البوابــة يقول...

ياعم احمد بيه

انا عايزك بجد تقولي هو فيه ايه عندكوا في الاخوان ؟؟؟

كل يوم خبر وكل يوم نفي

مين مع مين ومين ضد مين

!!!!

تضارب اصبح يثير العجب

اقرأ رابط جيمي هود

ورد عليا

http://t5at5a.blogspot.com/2007/11/blog-post_11.html

zenzana يقول...

دستور؟
هع
هع
مصري اليوم؟
هع هع هع

فاروق الجمل؟
هع هع هع هع هع هع هع
هع لحد بعد بكرة

هو في حد بيقرا الدستور؟
هو في حد بيشتري المصري اليوم دلوقتي؟
هو في صحفي اسمه فاروق الجمل؟
هع هع هع هع هع هع هع هع هع هع هع
انا كنت فكراه بيشتغل .... ف ...قال مرسي عزيز قال يكونش فاكر ان دا مرسي جميل عزيز مؤلف الاغاني المعروف ؟
زي ما كان فاكر أن حدتو كوافير الست مامته ولا اسم خالته في الرقم القومي

سهام يقول...

أعتقد إن إلي عمل إخوان أوف لاين يبقي سازج لو دافع عنها أون لاين
ثم من أنت حتي ينصاع لكلامك بالأساس

شارك مع اصدقائك

Share |