الخميس، 7 أغسطس 2008

انا مش فاهم حاجه في موضوع سعد الدين أبراهيم والاخوان

بصراحة مبقتش فاهم حاجه
او بمعني اصح مش فاهم الصحفيين دول بيشتغلوا اذاي
سعد الدين ابراهيم اخد حكم سنيتن سجن
وبعيد عن موقفي الشخصي - الي هو اني استنكر ان الرأي يعاقب امام المحكمة - نجد مجموعه من الصحفيين الافذاذ طالعين يقولوا الاخوان يستنكروا الحكم علي سعد الدين ابراهيم ذي هنا وهنا
طب يا استاذة جبتم الكلام ده منين ؟
قالوا من بيان نشره اخوان ويب ( الموقع الانجليزي للاخوان )
طب والبيان قال ايه ؟
قال بالنص " Ikhwanweb expresses its disappointment at recent court order on August 2nd, 2008 against Dr. Saad el Din Ibrahim, professor of Political Sociology at the American University in Cairo and director of Ibn Khaldoun Center for Developmental Studies. "
والي هو ترجمته الحرفية - ولو غلطان حد يصحح لي "

يعرب أخوان ويب عن خيبة امله من الحكم الصادر من المحكمه الثاني من آب / اغسطس 2008 ضد الدكتور سعد نجم الدين ابراهيم ، استاذ علم الاجتماع السياسي في الجامعة الاميركية في القاهرة ومدير مركز ابن خلدون للدراسات الانماءيه. "

يعني الي استنكر هو ويب مش الاخوان ؟

تمام ؟

وبالرغم من اني مش فاهم يعني ايه موقع رسمي لجماعه يستنكر كده منه لنفسه بعيد عن موقف الجماعه بس مش ده موضوعنا

نيجي بقه للبعد كده

خبر تاني اتنشر من شويه علي أخوان ويب برضه قال فيه "

Our posting was not an official MB press release, but it was a sign of our website’s solidarity with everyone whose freedom of expression is threatened by any means of crackdown, which does not contradict with MB official stances on the general issue of freedom of expression regardless of our stance towards the victims."

والي ترجمته الحرفية " ما نشر لم يكن الموقف الرسمي لجماعة الاخوان المسلمين ، ولكنه كان موقف على موقعنا على الانترنت للتضامن مع الجميع في حرية التعبير والتي اصبحت مهدده من قبل اي وسيلة للقمع ، و هو الموقف الذي لا يتناقض مع المواقف الرسمية للاخوان المسلمين في قضايا حرية الرأي والتعبير بغض النظر عن الضحايا".

والجملة ده اتنشرت في خبر واحد مع تصريح للدكتور حبيب قال فيه

"
“We reaffirm our support for anybody’s right to freedom of expression. Regardless of the convicted and the context of the case, we believe that every human being is entitled to be concerned about public issues and to freely express his/her views. But we also believe that this right should be guaranteed within the framework of preserving national interests, and without seeking any form of foreign interference that may jeopardize Egypt’s national interests.”

والي ترجمته

"نؤكد مجددا دعمنا لاي شخص في حقه في حرية التعبير. . و بغض النظر عن المدانين وسياق القضية ، ونحن نعتقد ان لكل انسان الحق في الشعور بالقلق ازاء قضايا حرية الرأي والتعبير. ولكننا نعتقد ايضا ان هذا الحق يجب ان يكون في اطار الحفاظ على المصالح الوطنية ، ودون السعي لأي شكل من أشكال التدخل الاجنبي التي يمكن ان تعرض مصالح مصر الوطنية للخطر .

متيقلي بعد كل الكلام ده لا تعليق

هناك 4 تعليقات:

محمود سعيد يقول...

ما أنت فاهم كويس أهو يا عم أحمد
أنا شايف خبر إسلام أون لاين فيه نفس اللى أنت كاتبه هنا
بينما خبر المصرى اليوم إستعباط

وأظن أن بيان الموقع الثانى كان سيكون أوضح لو قيل موقف أسرة التحرير

مش أنتوا بتعملوا كده فى أون لاين برضه :-)

جهاد خالد يقول...

طبيعي

كل واحد بيستخدم الخبر بالطريقة اللي تخدمه

محمد هيكل يقول...

يا خساره

انا فرحت لما عرفت ان الجماعه ادانت الحكم وكنت ناوى اكتب تدوينه مخصوص ان الجماعه وصلت لمرحله عاليه من النضج ووقفت مع دكتور سعد الدين ابراهيم

طلع الموقع بس

غير معرف يقول...

سيبك من الاخوان وسعد الدين..الكلام الي قاله اسقف القوصية في امريكا لا يساوي واحد علي مليون من اللي قاله سعد الدين..لكن هل يجرؤ النظام علي محاكمته. او حتي توجيه اللوم للكنيسة..اليس فيما قاله استعداء وعنصرية واهانه.
صح النوم ياعمي احمد..والمصريون اهمه.
مع الاعتذار للاغنيه

شارك مع اصدقائك

Share |