السبت، 26 يناير 2008

هنا غزة - صوري من داخل غزة -

خلاص سكت الكلام من زمان
ده صوري من قلب غزة
احساس جميل انك تدون من فوق مكتب وزير الصحة
جديدة مش كده ؟.
ملاحظة
اعملموا ريفريش للصفحة ده كل كام ساعه هتلاقوا صور جديدة


هناك 13 تعليقًا:

ذو النون المصري يقول...

ربنا يبارك خطواتك و يكافئك علي قدر مجهودك

غير معرف يقول...

طالما رجعت بالسلامة نرجع للمناكفه تاني ايه ياابني ده حاطط صورك احنا عايزين تفاعل الناس مع احدث احوالهم رد فعلهم مدي صبرهم ثباتهم حدثنا عنهم مش جايب شوية صور لسيادتك ده كلام برضه

كراكيب يقول...

بعيداً عن ان ولا صورة من الصور اللي انت حاططها ظهرتلي وعملت العمايل وسويت الهوايل علشان تظهر وبرده مفيش فايدة
الا اني بحقد عليك وبحسدك "بس حسد وحقد طبيعين بتوع البني ادمين الطيبين مش أر يعني" علشان روحت هناك وشوفت الناس والاماكن والحقيقة اللي مش بنشوفها غير في التليفزيون وبس..
يابختك يا احمد وانا هحاول تاني مع الصور لاني عايزة اشوفها مووووت
و.........بس
لا مش بس... هقولك يا بختك تاني وتالت وسبعتاشر وسبعة وسبعين

غير معرف يقول...

زي ما قولتلك وانت رايح
هاقولهالك بعد ما رجعت بالسلامة
يا بختك يا بختك يا بختك...
وهفضل أقولهالك دايما
:::
كان نفسي أشوف الناس دولا والأرض ديا..
حلم حياتي إني أشوفها..
تعتقد يا أحمد إني ممكن أشوفها قبل ما أموت؟؟
خايف....
خايف ما اشوفهاش :(
:::
هبقى أشوف الصور كويس لما أدخل نت

غير معرف يقول...

وكمان قابلت أم نضال؟؟؟
يعني بتغيظني؟؟؟
يا ربيييييييييي

غير معرف يقول...

وكمان سامي أبو زهري
و أحمد بحر
والناس دي كلها
وإذاعة صوت الأقصى
وقاعد تضحك قدام اللاب توب
حقك..
ما روحتش كمان قناة الأقصى علشان تبقى كملت
...
يا عيني قاعد ع المكتب وبتتكلم ف التليفون.. بقيت إسماعيل هنية؟!!!
ومشيت في شوارع فلسطين
مين قدك
من النهارده مش هعرف أكلمك
ما خلاص بقى!!

عاشقة القمر يقول...

بجد يا احمد فعلا فعلا يا بااااااااااااااختك - على رأي ميرو - البنت يا عيني هيجرالها حاجة من ساعة ما عرفت وهتموت وتروح .. بصراحه كلنا نفسنا نروح ونشوف اللي انت شوفته واللي احنا ما بنشفهوش غير من بعد لبعيد في التليفزيون .. فتخيل كم الناس اللي بتحقد عليك وهتحقد عليك .. وحمد الله على السلامة ..

أحمد عبد الفتاح يقول...

العزيز ذو النون
بلاش علي قد مجهودك
خليها علي قد رحمة ربنا كده اكتر بكتيييييييييررررررررررررر

أحمد عبد الفتاح يقول...

البتول
يا فتاح يا عليم يا رواق يا كريم
نصبر علي رزقنا الصور بتنزل

أحمد عبد الفتاح يقول...

كراكيب وكل الحاقدين
نشكر ربنا عالنعمة
ان شاء الله ربنا يرزقك زيارة للاقصي

أحمد عبد الفتاح يقول...

اسلام حبيبي
الحمد لله
وربنا هيرزقك الزيارة بس انت اطلبها من قلبك
علي فكرة ده مكتب وزير الصحة الفلسطيني
الاخوة قعدوني عليه عشان اشتغل واتكلم في التليفون حبة
يعني اشتغلت شوية وزير هناك
وعلي فكرة التدوينة ده كتبتها ةمن علي المكتب جده

أحمد عبد الفتاح يقول...

عاشقة القمر
خدي ميرو ويله وبلاش كلام كتير
ميكروباص للعريش ومن العريش لغزة
وهوب وصلتم
مش كيمياء
بدل ما انتم قاعدين تقروا علي مخاليق ربنا
ثم بعد كده ملكيش دعوه بالارضية
طبعا انتي فاهماني

فلسطينية الهوى يقول...

طيب ماشي

جميل


هو كان في مطر هناك ولا ايه ؟؟


بناطيلكم مبلولة من عند الاحذية


لو من مطر فلسطين اياكم تغسلوها

شارك مع اصدقائك

Share |