طبعا مصر بالابيض وموريتنيا بالاحمر مش محتاجه فكاكة يعني
في اخر حلقات الهزائم التي ينزلها شعب مصر ونظامه بالشعب الموريتاني ونظامه ... وبعد الهزيمة - الجامده جدا - في مبارة كرة القدم التي جرت في استاد القاهره والتي انتهت 3:0 لصالح الفراعنة أراد النظام المصري أن يثبت أن المصريين يستطيعون هزيمة الموريتانيين في ميادين كثيرة وليس في الكرة فقط .
فقد حصدت مصر وبجدارة المركز الاول علي مستوي الدول العربية ( بما فيها موريتنيا ) في مجال التخلف الاقتصادي .
التقرير الذي يصدره المنتدي الاقتصادي العالمي بالدوحة وضع مصر في المركز الاول في الدول الاقل تطورا اقتصاديا تليها المغرب ثم سوريا ثم موريتنيا .
ومع العلم أن موريتنيا معندهاش قناة سويس ولا قطن طويل التيلة ولا حتي قطن تنجيد ومعندهاش أطول انهار العالم ومعندهاش توشكي ولا 6 أكتوبر ولا العاشر من رمضان ولا المناطثق الصناعية الي عند مصر والي بقت اكتر من المصانع نفسها ، واكيد موريتنيا معندهاش مصانع سيارات وسيراميك وسجاد والمصانع الكتير الي رئيسنا الجامد جدا طول النهار رايح جاي يفتح فيها لحاد لما خس النص يا عيني .
طب السوال ... موريتنيا عندها ايه ؟؟؟
موريتنيا ومحدش يستغرب الصناعة القومية فيها هي تربية الابل - الي هي الجمال الي طول النهار واقفة عند الهرم عندنا- والتجارة في لبن الابل ... بس .
وبمناسبة الابل صرح ولد داده - الراجل المحترم جدااااااا الي عمل الانقلاب في موريتنيا وبعد كده ساب الحكم للشعب - أنه لما يسيب الحكم هيتفرغ لتربية ابله وشرب لبنها - عقبال واحد صحبنا .
وبهذه المناسبة والنصر المبين علي الاخوة الموريتانيين أحب اوجه السوال للسادة اصحاب هذا الانجاز الخزعبلي بداية من السيد رئيس الجمهورية والسادة روساء وزراء مصر السابقين والحليين ووزراء اقتصادها وتجارتها .... الخ والسوال هو
الا هو الاصلاح الاقتصادي أخباره ايه ؟؟؟ وصحته عامله ايه دلوقت ؟؟؟
وبالمناسبة برده موريتنيا معندهاش اصلاح اقتصادي ولا قطة خمسية ولا قطة بلدي ولا حتي قطة سيامي - علي راي الفنان سعيد صالح - .
وبالمناسبة ده برده احب اووكد ان مصر طول عمرها رائدة وانها تغلبت هلي موريتنيا وكل الدول في حاجات كتير قوي ، وان موريتنيا نفسها خرجت من دائرة المنافسة في ميادين كتير كانت هي محتكراها زمان .
وفي مقدمة هذه الميادين الي احتلتها مصر يجي القمع السياسي وانتهاك حقوق الانسان وتزوير الانتخبات والواسطة والمحسوبية ... الخ .
وفي اخر الكلام احب ازف لكل مصري ومصرية خصوصا السادة المسولين الكبار قوي خبر خيبتنا القوية
واحب اقول من كل قلبي
فقد حصدت مصر وبجدارة المركز الاول علي مستوي الدول العربية ( بما فيها موريتنيا ) في مجال التخلف الاقتصادي .
التقرير الذي يصدره المنتدي الاقتصادي العالمي بالدوحة وضع مصر في المركز الاول في الدول الاقل تطورا اقتصاديا تليها المغرب ثم سوريا ثم موريتنيا .
ومع العلم أن موريتنيا معندهاش قناة سويس ولا قطن طويل التيلة ولا حتي قطن تنجيد ومعندهاش أطول انهار العالم ومعندهاش توشكي ولا 6 أكتوبر ولا العاشر من رمضان ولا المناطثق الصناعية الي عند مصر والي بقت اكتر من المصانع نفسها ، واكيد موريتنيا معندهاش مصانع سيارات وسيراميك وسجاد والمصانع الكتير الي رئيسنا الجامد جدا طول النهار رايح جاي يفتح فيها لحاد لما خس النص يا عيني .
طب السوال ... موريتنيا عندها ايه ؟؟؟
موريتنيا ومحدش يستغرب الصناعة القومية فيها هي تربية الابل - الي هي الجمال الي طول النهار واقفة عند الهرم عندنا- والتجارة في لبن الابل ... بس .
وبمناسبة الابل صرح ولد داده - الراجل المحترم جدااااااا الي عمل الانقلاب في موريتنيا وبعد كده ساب الحكم للشعب - أنه لما يسيب الحكم هيتفرغ لتربية ابله وشرب لبنها - عقبال واحد صحبنا .
وبهذه المناسبة والنصر المبين علي الاخوة الموريتانيين أحب اوجه السوال للسادة اصحاب هذا الانجاز الخزعبلي بداية من السيد رئيس الجمهورية والسادة روساء وزراء مصر السابقين والحليين ووزراء اقتصادها وتجارتها .... الخ والسوال هو
الا هو الاصلاح الاقتصادي أخباره ايه ؟؟؟ وصحته عامله ايه دلوقت ؟؟؟
وبالمناسبة برده موريتنيا معندهاش اصلاح اقتصادي ولا قطة خمسية ولا قطة بلدي ولا حتي قطة سيامي - علي راي الفنان سعيد صالح - .
وبالمناسبة ده برده احب اووكد ان مصر طول عمرها رائدة وانها تغلبت هلي موريتنيا وكل الدول في حاجات كتير قوي ، وان موريتنيا نفسها خرجت من دائرة المنافسة في ميادين كتير كانت هي محتكراها زمان .
وفي مقدمة هذه الميادين الي احتلتها مصر يجي القمع السياسي وانتهاك حقوق الانسان وتزوير الانتخبات والواسطة والمحسوبية ... الخ .
وفي اخر الكلام احب ازف لكل مصري ومصرية خصوصا السادة المسولين الكبار قوي خبر خيبتنا القوية
واحب اقول من كل قلبي
غطيني وصوتي عليا يا اما
هناك 7 تعليقات:
انا مش عارفة انت ليه دائما ناقم علي البلد ما كل حاجه كويسة الغلبه عايشيين والعدل والامن والامان مستتب والتنمية مزدهره والمصانع بتتفتح كل يوم واهي قدامك في الحي الذي تسكن فيه تنكر والاسعار رخيصة والناس كلها مبسوطة ما عدا انت واللي خلفوك عارف ليه عيله غاويه نكد لاتنظر الا الي النصف الفارغ من الكوبنقول ايه ربنا يرحمنا
مصر طول عمرها متفردة في كل شئ حتي في الغباء الاقتصادي ..يعني هي جات على الاقتصاد.المشكلة الحقيقة أني خايفة من كتر حسرتنا على بلدنا وحبنا لمورتيانا ..الشعب المصري المسالم اوي اوي لدرجة تحرق الدم يروح مورتنايا , وساعتها هتبقي واقعة سودا لان معني كده أن الديكتايورية والغباء هيرجعوا مورتنايا تاني
وعشان كده اعتقد أننا عندنا خيارين ملمهاش ثالث نهجر الشعب الصري المسالم اوي مورتنايا يخربها ونيجيب المورتنايين .يغيروا حال بلدنا على منطق تغيير العتبة ..أو أن ولد ددي يجي يحكمنا شويه بعد ما أصبح فاضي يمكن حالنا نصلح
بس في كل الاحوال ..أن عايز أروح أرعي الابل مع الراجل ده وهأحني له القبعة ..الابل مع واحد محترم أحسن من العيشة في بلد اللي بيحكمنا فاقوا حدود الابل وباقوا غنم..مع الاعتذارللغنم والابل
أمل جديد
انت فين يا راجل افتكرتك اعتزلت زي احمد زكي
مش كسبنا 3-0
عاوز ايه يعني خلي الناس تفرح علطول
ليه تنكد عليهم
خليهم فرحانين
بالخيبة القوية
البتول
مقدرش اقول اكتر من كلمتك الاخيرة ربنا يرحمنا
---------------------------
أمل جديد
سعيد جدا بزيارتك الاولي واكيد كل زيارة جديدة بتمثل ليا امل جديد وتعرفني اني ماشي صح
وانا معاكي في موضوع الجمال ده لان راعي ابل في دولة حرة احسن من رئيس جمهورية في دولة بنت 60*70 ذي بلدنا الجامده ده
بس العيب يا جدعان مش في مصر
اكيد كلنا عارفين العيب فين
المصري افندي الاصلي مش التقليد
بجد انت واحشني جدا
انا لا اعتزلت ولا حاجه بس كنت بمتحن
وبلاش اشاعات مغرضة
اما بالنسبة للكورة فا المصيبة اننا مش مهتمين الي بيها وبرده مش فالحين فيها
طب ياريتنا عالاقل فالحين فيها
ده يا راجل احنا بنتغلب من موروشيوس الي والله ما عارف انا كاتب اسمها صح ولا غلط ومش عارف هي في قارة ايه اصلا
يبقي حتي الكورة عندنا مدمرة
يبقي مبروك لمصر
وعاشت موريتنيا انظف من مصر مليون مرة
يا جماعة يا جماعة... موش ممكن الدوشة اللي أنتو عاملينه دي، موريتاني اايه و كلام فاضي إيه، دول ناس فاضية بتوع حكم نضيف و احترام حقوق الأنسان و الكلام اللي مايأكلش عيش ده، طب بزمتكم هما عندهم ماما سوزان الست الكمل اللي عندها كام و ستين سنة ولسه محتفظة بجمالها ولا حطتش الطرحة بتاعت المسلمين ال..... دول، ولا لول حبيب ماما و بابا، و جيمي الواد الروش بتاع الحزب... وللا عندهم الوظووظ الكبير بئه زي اللي عندنا؟ راجل ولا كل الرجالة ... دكر بصحيح...وللا عندهم عمة أزهر يحلل الربا... وللا عندهم حرامية ينهبوا الخير وللا وللا وللا أيييييييييييييييييييييه يا راجل دا أحنا في نعمة واللي يكرها يعمى. و تقوم تقوللي موريتانيا يا راجل بلاش كلام فاضي. عن أذنكوا بقى رايح أنط في الأوتوبيس بقالى ساعتين واقف لما حمضت يللا هووووووووووووب
مصر... نفسي مصطفى كامل المسكين يبقى عايش دلوقتي عشان يشوف حل في الجملة اللي قالها بخصوص لو لم أكن مصرياً لوددت أن أكون مصرياً.... طب تعالى نتخيل انه موجود دلوقتي كان قال إيه؟ لو لم أكن مصرياً لوددت أن أكون أي حاجة تانية خاااااااااالص الله يخليكو أحسن مش قادر....مصر اللي مش عجباك دي تقدر تقول عنها تاخد براءة اختراع في كل مناحي الحياة المصرية، حد بيعمل في شعبه اللي بيتعمل فينا ده؟ صدقني احنا عندنا حاجات مش بتتعمل في أي مكان تاني... تفرد ماحصلش
إرسال تعليق