السبت، 23 فبراير، 2008

النوم سلطان ... حتي في مكتب رئيس الوزراء





النوم سلطان ... والمجد للعمال


الصورة لعمال يرممون مكتب رئيس الوزراء بجاردن سيتي

الأحد، 17 فبراير، 2008

فاتت سنة واحنا هنا في وسط البلد



Get this widget
| Track details
| eSnips Social DNA


لتستمتع بهذه التدوينة الرجاء تشغيل هذه الاغنية انت تقرأ
حقيقي ذي ما بيقول الواد الي بيغني ده
فاتت سنة من عمري وانا هنا في وسط البلد
سنة غريبة ومليانه وجميلة
اتغيرت كتير وعرفت كتير وشوفت كتير
هو حتي بيقول لكم اهه
شوفت المسافر والمهاجر والقريب والبعيد والمثقف والعنيد شوفت الي مبدع والي فاكر نفسه مبدع
ذي النهرده ومن سنة بالضبط خد بايدي واحد يعد من اساتذتي
ودخلني الجنة الي بيسميها الناس العادية كافتيريا سوق الحميدية
وعرفت هناك ناس
في وقت صغير بقم هما اصحابي الي بجد
ارجع واقول ذي ما دائما بقول لاي حد وانا بحكي عن وسط البلد
وسط البلد مركز الكون ... كل الكون

الخميس، 14 فبراير، 2008

الثورة الحمراء Valentine's Day


انه يوم الثورة الحمراء ... يوم ان يكتسي كل شئ باللون الاحمر ... تشعر لوهلة انك قد انتقلت الي الاتحاد السوفيتي عام 1985 حيث الحركة الشيوعية في مجدها وتحس ان هناك أحتفال ما بعيد شيوعي كبير وليكن علي سبيل المثال عيد الترس ومفتاح 14 .

بس الفرق ان كل الدنيا بتبقي اتنينات كل واحد ماشي ومعاه واحده وكل واحده ماشي معاه واحد ... مساواة يعني .

كله شايل شنط ولفائف حمراء ولا بسين احمر والبنات داهنين وشهم بالاحمر ... من الاخر بتبقي الدنيا مدلوق عليها كوباية عصير طماطم حمضان .

الي بحكي عنه ده اكيد عيد الحب او الفلانتين داي .

الفلانتين داي للي ميعرفوش عرفته موسوعه ويكيبيديا

يوم الفالانتاين ، عيد الحب أو كما يلفظ بالانكليزية (Valentine's Day) في 14 فبراير و 4 نوفمبر في بعض الدول العربية وهو بدأ في الغرب للمحبين والتعبير عن حبهم وتقديم الهدايا و الورود إلي بعضهم

سمي يوم الفالانتاين أو عيد الفالانتاين تيمنا بشهيدين مسيحيين اسمهما فالانتاين ، وقد أرتبط هذا اليوم بالحب والرومانسية منذ العصور الوسطى وذلك بعد أن انتشرت فكرة الحب الغزلي . و في هذا اليوم يتم تبادل الرسائل الغرامية ، وكروت المعايدة ذات الطابع الرومانسي . وبالنسبة لرموز الفالانتاين في العصر الحديث فهناك القلب و الكيوبيد المجنح ، و يتم تبادلها مع الرسائل الغرامية . ومنذ القرن التاسع عشر أنتشرت الرسائل التي تكتب باليد ويتم تبادلها بين الأحباء وأصبحت توزع بالملايين . وقد قدرت جمعية كروت التهنئة أن عدد الكروت التي يتم تبادلها في جميع أنحاء العالم في عيد الفالانتاين وصل الي بليون كارت تقريبا ، مما يجعل عيد الفالانتاين رقم أثنين بعد عيد رأس السنة الميلادية فيما يتعلق بعدد كروت التهنئة المتداولة ، وقد قدرت الجمعية أن النساء يقمن بشراء حوالي 85% من جملة كروت الفالنتاين .

وفي الولايات المتحدة تم الترويج لعيد الفالانتاين من خلال جعله عيدا رسميا ، وقد ظهرت بعض الاتجاهات التي قامت بتسمية يوم الرابع عشر من فبراير بــ ( يوم الوعي للعذاب )

بس هو ده

سيبك اني مع او ضد اننا نحتفل بعيد يرجع لقس لان الموضوع ده موضوع عقائدي بحت ، لكن انا هنا هتكلم عن نوع من انواع الفلسفه أو اكثر من نوع متشابكين .

1- الي بيحتفل بالعيد ده بالشكل الاحمر ده صدقوني غلبااااااااااااان قوي لاسباب كتيرانه معني احتفاله كده انه مبيحبش الا في اليوم ده لان الحبيب باختصار بيكون عنده عيد حب كل ما بيشوف حبيبه أو بيسمعه أو حتي بيمر بخياله وصعب لا مستحيل ان يكون لعيد حبه ده يوم واحد .

2- انا شايف ان الاحتفال ده نوع من انواع فلسفة ( بهيص مع الهيصه ) يعني اقلد الناس - بالمناسبة هي الفلسفة ده صاحبة الفضل في 50 % من احداث التحرش بوسط البلد ومعناه ان كل واحد بيقلد التاني والزحمه بتغطي عليه-بيلاقيها فرصه انه يخرج ذي كل الناس الي خارجه ويلبس ذي كل الناس الي لبسه ويجيب هديه حمراء ذي كل الناس الي جايبه بس الاحساس ؟؟؟ الله اعلم بيه

3- ان اكيد للعيد فايده وهي فائده فلسفة الريستارت فاكرينها ؟

وهي ان الواحد بيقف عشان يراجع نفسه ويوجه نفسه من جديد وهنا الموضوع بيبقي متعلق بقلبه وعواطفه يعني ريستارت عاطفي ، وده سبب كبير لكثير من الاعياد ذي اعياد الام واعياد راس السنة بل واعياد الميلاد .

4- أحب اقول لكل شاب وكل فتاه لما تحبوا حبوا بجد من القلب سيبوكوا من المظاهر الفارغه - ومش هنقول حرام ولا لا - حبوا بقلبكم ... أعرف يعني ايه تضحي .. تبذل لحبيبك ... تكون مرايه لحبيبك ... تفهمه من غير حتي ما تشوفه ... تعمل حاجات كتير اوي عمر ما هيكون ضمنها الخروج والورده الحمراء والدبدوب الهدية .

5- احب افكركم بحاجه هنا مش مكانها قوي بس مهمه ... الحب مش حب شاب لفتاه وبس الحب كبيييييييييييييير قوي حبك لاهلك لاصحابك لجيرانك .... الخ .


ونسيت اقول ان احلي ما في الفلنتين عرض موبينيل .

وهابي فلانتين داي .

" لا تعليق" لاني مش عندي تعليق مش قبيح اقوله عالصورة ده



" العدالة " في صور












الأحد، 10 فبراير، 2008

ياريتني ما عرفت حد من غزة



عائلتي الغزاوية الصغيرة التي كنت بضيافتها
والله الي بيحصل معايا ده حرام
وصلت لمرحلة بقيت بقول ياريتني ما عرفت حد من غزة
الحكاية للساطة ان كل حبة اسمع في الاخبار عن غارة علي غزة وشهدااااااااااااااااااء اخر هذه الاخبار سمعته اول ما صحيت دلوقت عالصبح كده
وانا بسمع الخبر بيعدي علي مخيلتي كل من عرفتهم بغزة واصدقائي واسرهم واقاربهم
ويبدأ الخوف عليهم ورحلة طويلة في محاولة للطائمنان عليهم
وقبل ان تنتهي هذه الرحلة يفاجئني العدو بغارة جديدة وهكذا
المفروض بعد كل غارة اعمل يجي 30 مكالمة دولي عشان اطمن علي كل اصحابي
او احاول ادور عليهم عالنت
والله ده حرام
القلق هيموتني والخوف عليهم بقه حاجه متعبة قوي
اوقات بقول ياريتني فضلت معاهم عالاقل مكنتش هقلق كده
نسيت اقول
في احدي الغارات من ايام استشهد قريب لاحد اصدقائي بغزة
كنت بكلمه يومها ومكنتش اعرف
هو كان قمة في الثبات ومعرفتش الا من صديق غزاوي مشترك بينا اما هو فصباح القوة والثبات
حد عنده حل لكل ده ؟

رحلت ... لكن بقيت

رحل الجثمان ... وبقي الرمز
رحل القلم ... وبقي الحرف
بارغم من رحيلك ... بقيت يا مهنا


السبت، 9 فبراير، 2008

خر هدية لكل كارهي غزة وشعب غزة واهل غزة ... مسيرات عارمة في غزة احتفالاً بفوز مصر على كوت ديفوار

الخبر نقلا عن اخوان اون لاين


مسيرات عارمة في غزة احتفالاً بفوز مصر على كوت ديفوار

[19:48مكة المكرمة ] [08/02/2008]

فرحة لاعبو المنتخب المصري بعد الفوز علي كوت ديفوار

كتب- أحمد عبد الفتاح

لم تكن الفرحة بفوز المنتخب المصري على نظيره العاجي برباعية من نصيب الشعب المصري فقط، والذي خرج مساء أمس عن بكرة أبيه في مسيرات احتفالية للتعبير عن مدى فرحته بالنصر الذي حققه المنتخب بقيادة حسن شحاتة، وتأهله للدور النهائي لكأس الأمم الإفريقية.

فعلى بعد عدة أمتار قليلة من آخر المشجعين المصريين الموجودين في أقصى شمال مصر بمدينة رفح المصرية، تواجد الآلاف من المشجعين الفلسطينين وتحديدًا بمدينة رفح الفلسطينية من أجل متابعة أحداث المبارة التاريخية؛ حيث تشابهت الأجواء وإلى درجة كبيرة جدًا مع الأجواء في الشوارع المصرية وقت إجراء المباراة.

لمدة ساعة ونصف الساعة هي مدة المباراة حاول الغزاويون تناسي آلامهم ومشاكلهم والحصار المطبق عليهم، وأعداد الشهداء التي تزايدت بصورة كبيرة في الأيام القليلة الماضية، واقتناص لحظات من الفرح مع المنتخب المصري.

الشوارع في غزة خلت تقريبًا من المارة والسيارات وتجمع أهالي قطاع غزة في بعض الأحياء التي لم تكن الكهرباء مقطوعة عنها وقت إجراء المباراة، وكان على رأس هذه الأحياء حي رفح لمشاهدة أحداث المبارة، ومن لم يسعفه حظه لمشاهدة المبارة بسبب انقطاع التيار لجأ إلى الاستماع إليها من خلال بث إذاعة الشباب والرياضة المصرية والذي يغطي أجزاء من قطاع غزة.

"وكأنك في مصر تمام" هذا الوصف الذي فضل أن يستخدمه عبد الرحمن محمد، وهو من أهالي قطاع غزة ليصف لنا حالة القطاع وقت مباراة مصر وساحل العاج، يقول عبد الرحمن: "كنا نسمع كل برهة همهمات الجماهير مع كل هجمة، كما كانت تدوي صيحات النصر مع كل هدف يسجله المنتخب المصري".

مسيرات النصر والفرح التي خرجت في الشوارع المصرية بعد الفوز الكاسح للمنتخب خرجت مثيلاتها تمامًا في القطاع؛ فرحًا بفوز المنتخب المصري، وكان الهتاف الأكبر من نصيب نجم المنتخب المصري واللاعب الأكثر شعبية محمد أبو تريكة.

ويقول محمد سليم من سكان القطاع: "طبيعي جدًا أن تخرج المسيرات فرحًا بما حققه منتخب مصر فشعب فلسطين ينتمي كرويًّا لمصر؛ فأهالي غزة تجدهم كما الشعب المصري منقسمين بين مشجعين للنادي الأهلي أو نادي الزمالك، كما أننا نحرص على متابعة المنتخب المصري ونعتبره منتخبنا نحن".

وحول شعبية أبو تريكة يقول محمد: "بالتأكيد أبو تريكة الآن هو اللاعب الأكثر شعبية في كل فلسطين، فما فعله في المبارة قبل الماضية حينما أعلن في رسالة واضحة للجميع تضامنه مع شعب غزة، وحث الجميع على التضامن معه بالرغم من علمه باحتمال تعرضه للعقوبة، لن ينساها فلسطيني محب لبلاده"

الاثنين، 4 فبراير، 2008

بالنسبة للاخوة الي بيقولوا سفينة مطلعتش سفينة وطلعت بفعل فاعل

البوست ده للاخوة الي قالوا ان سبب قطع الكابلات البحرية سفينة
ده فاكس رسمي من وزارة النقل يثبت ان مفيش اي سفينة عدت من عند الكابلين
يبقي السوال مين الي قطع الكابلين ؟
وبالمرة مين الي قطع الكابل بين الامارات وعمان ؟

الأحد، 3 فبراير، 2008

وحشتيني يا بنت الإيه


وحشتني بنت الايه ....
وحشتني غزة وشوارع غزة وجمال غزة وحلاوة غزة
وحشني الغزاوية والزعتر بزيت الزيتون
وحشتي الشوارع المليئة بالرايات والجداريات وصور الشهداء
وحشتني ارض العزة واهل ارض العزة
وحشتني يا مرتجي واهل بيتك واياد وكل الي قابلتهم في غزة
وحشني شباب صوت الاقصي بالرغم اني كنت لسه بكلمهم النهرده
بصراحة ومن الاخر
وحشتني الحياة وانا حاسس اني حر
وتقريبا محستش بده الا يومين في عمري
أكيد وانا في قلب غزة

شارك مع اصدقائك

Share |